«ضراب الدین قاسمی» سخنگوی جدید ریاست جمهوری تاجیکستان شد

رییس جمهور تاجکیستان با امضا احکامی سخنگوی خود را برکنار و نفر دیگری را به این سمت تعیین کرد.

- به گزارش سایت قطره و به نقل ازخبرنگار خبرگزاری فارس در دوشنبه، با امضای امامعلی رحمان رییس جمهور تاجیکستان سخنگوی نهاد ریاست جمهوری در این کشور را برکنار و نفر دیگری به این وظیفه منصوب شد.

بدین ترتیب، با حکم رییس جمهور تاجیکستان عبدالفتاح شریف زاده که از سال 2004 وظیفه سخنگوی ریاست جمهوری این کشور را بر عهده داشت به دلیل رسیدن به سن بازنشستگی از این سمت برکنار شد.

رحمان در حکم دیگری ضراب الدین قاسمی را به عنوان سخنگوی جدید ریاست جمهوری تاجیکستان منصوب کرد.

سخنگوی جدید ریاست جمهوری تاجیکستان سال 1967 در منطقه دنغره استان ختلان تاجیکستان متولد شده و در سال 1991 میلادی دانشگاه ملی این کشور را با تخصص زبان های شرق (فارسی و عربی) به پایان رسانده است.

وی در سال های مختلف به عنوان سخنگوی وزارت دفاع، مشاور رییس جمهور و معاون سخنگوی ریاست جمهوری، مدیر خبرگزاری دولتی خاور ، سفیر تاجیکستان در عربستان سعودی کار و فعالیت کرده است.

قاسمی قبل از تعیین شدن به سمت سخنگوی جدید رییس جمهور تاجیکستان ریاست سفارت این کشور در مصر را بر عهده داشت.

سخنگوی جدید رییس جمهور تاجیکستان متاهل، دارای 6 فرزند و مسلط به 3 زبان خارجی از جمله روسی، عربی و انگلیسی است.