«توافق متعادل دیپلماتیک» تعبیر مقام تاجیک از پذیرش سفیر طالبان در برخی کشورها

رییس مرکز مطالعات راهبردی تاجیکستان، همکاری کشورهای همسایه با طالبان را یک توافق معتدل دیپلماتیک دانست و گفت: هدف از حضور و فعالیت کنسول طالبان در مرکز استان بدخشان تاجیکستان فعالیت بازارهای مرزی بین دو کشور است.

- به گزارش سایت قطره و به نقل ازخبرنگار خبرگزاری فارس در دوشنبه، خیرالدین عثمان زاده رییس مرکز مطالعه وابسته به ریاست جمهوری تاجیکستان در نشست خبری خود در مورد تعامل تجاری و اقتصادی این کشور با طالبان و آغاز فعالیت سفارتخانه های این گروه در برخی کشورهای همسایه صحبت کرد.

به گفته وی، هدف کنسولگری افغانستان که در حال حاضر در شهر خاروغ استان بدخشان تاجیکستان به نمایندگی از طالبان فعالیت می کند، ادامه فعالیت تجاری و اقتصادی بین مردم دو کشور است.

وی در واکنش به آغاز فعالیت سفیر طالبان در برخی از کشورهای همسایه تاجیکستان  گفت: این کشورها از جمله چین نامه های رسمی به دوشنبه ارسال کردند که در آن گفته می شود که آغاز فعالیت نهادهای رسمی دیپلماتیک طالبان به معنای به رسمیت شناخت دولت فعلی افغانستان نیست.

بنابر سخنان عثمان زاده، در نامه رسمی که از وزارت خارجه چین دریافت شده است، آمده است که مبنای به رسمیت شناختن سیاسی، قبل از هر چیز باید اجرای تعهداتی باشد که جامعه جهانی از طالبان خواسته است.